नसोधे हुन्छ परदेशीलाईई
भनेर खुशी केकेमा हुन्छ
खुसीहरु सबै साटेपछि
मन बेसरी रुन्छ ।
नसोध्नु कहिल्यै परदेशीलाई
भनेर सुख कहाँ हुन्छ
परदेशमा हुँदा परिवारका लागि
पैसामा खुसी साटेको हुन्छ ।
नसोध उसलाई
परिश्रम के हो, विश्राम के हो
यी सबै कुरा स्वयमले
उतै भोगेको हुन्छ ।
नसोध्नु कहिल्यै परदेशीलाई
देशको माया कहाँ कति हुन्छ
सम्झेर देश हरेकदिन
एकपल्ट उ त मरेको हुन्छ ।
No comments:
Post a Comment